کشمور (سید رشید احمد شاہ) کندہ کوٹ غوثپور کے قریب گاؤں غلام قادر شیخ میں زمین کے تنازع پر جھگڑے نے سنگین رخ اختیار کر لیا، مبینہ طور پر شرپسند عناصر نے گاؤں کے قبرستان کو آگ لگا دی اور فرار ہو گئے۔تفصیلات کے مطابق، گاؤں غلام قادر شیخ میں بھلکانی اور شیخ برادری کے درمیان زمین کی ملکیت پر کافی عرصے سے تنازع چل رہا تھا۔ اسی تنازع کے دوران مبینہ طور پر بھلکانی برادری سے تعلق رکھنے والے افراد نے مقامی قبرستان کو آگ لگا دی، جس سے آگ تیزی سے پھیل گئی اور پورا قبرستان جل کر خاکستر ہو گیا۔ واقعے کے بعد علاقے میں شدید خوف و ہراس پھیل گیا جبکہ گاؤں میں کہرام مچ گیا متاثرہ افراد، جن میں شمیر، عباس، عبدالغفار اور غلام نبی شیخ شامل ہیں، نے اہلِ خانہ کے ہمراہ میڈیا کے سامنے احتجاج کرتے ہوئے الزام عائد کیا کہ بھلکانی گروپ ان کی زمین پر ناجائز قبضہ کرنا چاہتا ہے، اور انکار پر یہ سنگین اقدام کیا گیا۔متاثرین نے ایس ایس پی کشمور سے مطالبہ کیا ہے کہ واقعے میں ملوث ملزمان کو فوری گرفتار کر کے انصاف فراہم کیا جائے۔
