کشمور( سید رشید احمد شاہ)
کندھکوٹ سی سیکشن تھانے کی حدود، فوڈ گودام کے قریب گھر کو آگ لگانے کے واقعے کے خلاف متاثرہ خاندان نے احتجاجی مظاہرہ کیا۔ مظاہرین میں مسمات زلیخان شیخ، مسمات زلی شیخ، غلام قادر شیخ اور جان محمد شیخ اپنے معصوم بچوں کے ہمراہ شریک تھے۔میڈیا سے گفتگو کرتے ہوئے متاثرین نے الزام عائد کیا کہ راجا سومرو، کفایت اللہ سومرو اور چند نامعلوم افراد اسلحہ کے زور پر ان کے گھر میں داخل ہوئے اور پیٹرول چھڑک کر گھر کو آگ لگا دی، جس کے بعد وہ موقع سے فرار ہو گئے متاثرین کے مطابق آگ لگنے کے باعث گھر میں موجود لاکھوں روپے مالیت کا سامان جل کر خاکستر ہو گیا واقعے کے بعد متعلقہ تھانے کی پولیس موقع پر پہنچی اور تفصیلات حاصل کیں۔ متاثرہ خاندان نے آئی جی سندھ، ڈی آئی جی لاڑکانہ، ایس ایس پی کشمور کندھکوٹ اور دیگر اعلیٰ حکام سے مطالبہ کیا ہے کہ واقعے کا نوٹس لے کر ملوث ملزمان کے خلاف سخت قانونی کارروائی کی جائے اور انہیں انصاف فراہم کیا جائے۔
