کاروباری برادری اور سیاسی قیادت کا رابطہ مضبوط، چیئرمین خاقان وحید خواجہ سے پٹرول پمپ مالک کی ملاقات
معروف پٹرول پمپ کے مالک جناب عبدالقادر نے چیئرمین پاکستان عوامی قوت، جناب خاقان وحید خواجہ سے ملاقات کی، جس میں کاروباری برادری اور قومی ترقی کے لیے وژن رکھنے والی سیاسی قیادت کے درمیان بڑھتے ہوئے روابط کو اجاگر کیا گیا۔
ملاقات کے دوران پیٹرولیم سیکٹر سے متعلق اہم امور، فیول اسٹیشن مالکان کو درپیش مسائل اور مجموعی معاشی صورتحال پر تفصیلی تبادلہ خیال کیا گیا۔ عبدالقادر نے چیئرمین کے عملی اور حقیقت پسندانہ انداز کو سراہتے ہوئے چھوٹے اور درمیانے درجے کے کاروباری افراد کی بہتری کے لیے ان کے عزم کو قابلِ تحسین قرار دیا۔
چیئرمین خاقان وحید خواجہ نے اس موقع پر کہا کہ کاروباری شعبہ ملکی معیشت کی ریڑھ کی ہڈی ہے اور اس کی مضبوطی کے بغیر معاشی استحکام ممکن نہیں۔ انہوں نے شفاف طرزِ حکمرانی، معاشی خودمختاری اور ایسی پالیسی اصلاحات پر زور دیا جو سرمایہ کاروں اور کاروباری افراد کے لیے آسانیاں پیدا کریں۔
دونوں جانب سے اس عزم کا اظہار کیا گیا کہ باہمی تعاون کو فروغ دیتے ہوئے معاشی ترقی، منصفانہ کاروباری نظام اور ایک مستحکم و خوشحال پاکستان کے قیام کے لیے مشترکہ کوششیں جاری رکھی جائیں گی۔
ملاقات خوشگوار ماحول میں اختتام پذیر ہوئی۔ اس موقع پر جناب راز، جناب فرزاد اور ڈاکٹر مرتضیٰ بھی موجود تھے۔
