راولپنڈی پولیس کے شہر بھر میں موثر سکیورٹی انتظامات
سکیورٹی ہائی الرٹ ، دفعہ 144 نافذ ، کسی بھی مقام پر غیر قانونی اجتماع یا ریلی کی اجازت نہیں
راولپنڈی(این این آئی)سی پی او سید خالد ہمدانی کی ہدایات کے مطابق راولپنڈی پولیس نے شہر بھر میں موثر سکیورٹی انتظامات کئے،راولپنڈی میں سکیورٹی ہائی الرٹ اور دفعہ 144 نافذ العمل ہے، کسی بھی مقام پر غیر قانونی اجتماع یا ریلی کی اجازت نہیں ہے۔تفصیلات کے مطابق سی پی او سید خالد ہمدانی کی ہدایات کے مطابق راولپنڈی پولیس کے شہر بھر میں موثر سکیورٹی انتظامات کئے گئے ہیں،راولپنڈی میں سکیورٹی ہائی الرٹ اور دفعہ 144 نافذ العمل ہے، کسی بھی مقام پر غیر قانونی اجتماع یا ریلی کی اجازت نہیں ہے، خلاف ورزی کی صورت میں قانونی کارروائی کی جائے گی،راولپنڈی پولیس کے 3000 سے زائد افسران و اہلکار ڈیوٹی پر تعینات کیے گئے ہیں،شہر بھر میں مری روڈ، میٹرو سٹیشنز اور دیگر اہم مقامات و تنصیبات پر پولیس کی بھاری نفری تعینات ہیں،شہر کے داخلی اور خارجی راستوں پر ناکہ بندی جاری ہے،تمام سینئر افسران خود فیلڈ میں موجود رہ کر ڈیوٹی کو چیک اور بریف کر رہے ہیں،غیر قانونی اجتماع یا ریلی میں شرکت یا اس کی ترغیب دینے والوں کے خلاف قانونی کارروائی کو یقینی بنایا جائے گا۔سی پی اوسید خالد ہمدانی کا کہنا تھا کہ قانون کی بالا دستی اور شہریوں کی جان ومال کی حفاظت پر کوئی سمجھوتہ نہیں، فول پروف سیکورٹی اور موثر ٹریفک انتظامات کو یقینی بنانے کے لئے تمام وسائل بروئے کار لائے جا رہے ہیں۔
