واپڈا و سیپکو ریٹائرڈ پینشنرز کا اہم اجلاس، مسائل اور مطالبات پر تفصیلی غور
کشمور (سید رشید احمد شاہ) کندھ کوٹ کے عیدگاہ محلہ میں وفا تنظیم صوبہ سندھ کے آرگنائزر شمس الدین سولنگی کی آمد کے موقع پر واپڈا سیپکو اور جنکو کے ریٹائرڈ ملازمین کا ایک اہم اور تفصیلی اجلاس منعقد ہوا جس میں ریٹائرڈ پینشنرز کے مسائل مستقبل کی حکمتِ عملی اور وفاقی حکومت سے کیے گئے مطالبات زیرِ غور آئے اجلاس میں سیپکو پینشنرز ڈویژنل چیئرمین سید رشید احمد شاہ جنکو 2 لوکل یونین کے صدر ولی محمد سہریانی اللہ ورايو گولو اسرار احمد سومرو خالد ایاز سومرو سمیت بڑی تعداد میں پینشنرز اور مزدورتنظیموں کے نمائندگان شریک ہوئے اجلاس سے خطاب کرتے ہوئے مقررین نے کہا کہ پورے ملک میں ساڑھے پانچ ہزار (5500) واپڈا کے ریٹائرڈ پینشنرز اس وقت غیر یقینی صورتحال اور شدید معاشی دباؤ کا شکار ہیں انہوں نے بتایا کہ گڈو تھرمل پاور ہاؤس جنکو کو دسمبر 2025 میں بند کرنے کی تجویز نے ملازمین اور پینشنرز میں مزید بے چینی پیدا کر دی ہے کیونکہ اس عمل کے بعد پینشنرز کی روزمرہ مالی ضروریات متاثر ہونے کا خدشہ ہےپینشنرز رہنماؤں نے حکومتِ پاکستان خصوصاً وزیرِاعظم میاں شہباز شریف وفاقی وزارتِ توانائی اور واپڈا حکام سے پُرزور مطالبہ کیا کہ تمام ریٹائرڈ ملازمین کی پینشن دوبارہ واپڈا میں ضم کی جائے کیوں کہ واپڈا ایک مستحکم ادارہ ہے اور اس میں پینشن واپسی سے پینشنرز کو تحفظ اور مستقل مالی استحکام حاصل ہوگا انہوں نے زور دیتے ہوئے کہا کہ GLI کیس جو برسوں سے اسٹینڈنگ کمیٹی میں زیر التوا ہے اس پر فوری فیصلہ کیا جائے تاکہ پینشنرز کو ان کا جائز حق دیا جا سکے
مقررین نے مزید کہا کہ واپڈا میں اولاد کوٹے کا نظام بحال کیا جائے جو ماضی میں ملازمین کے بچوں کو روزگار فراہم کرنے کا ایک مؤثر ذریعہ تھا انہوں نے کہا کہ ریٹائرڈ ملازمین کی اولاد اس وقت شدید بے روزگاری کا شکار ہے اور کوٹا سسٹم کی بحالی سے سینکڑوں خاندانوں کا معاشی مستقبل محفوظ ہو سکے گا
اس موقع پر شمس الدین سولنگی نے خطاب کرتے ہوئے اعلان کیا کہ 13 دسمبر کو کراچی میں ایک بڑا صوبائی سیمینار منعقد کیا جا رہا ہے جس میں سندھ بھر کی ٹریڈ یونینز مزدور تنظیمیں ورکر فیڈریشنز اور پینشنرز ایسوسی ایشنز کو خصوصی دعوت دی گئی ہے انہوں نے کہا کہ اس سیمینار کا مقصد پینشنرز مسائل کو قومی سطح پر اجاگر کرنا اور متحدہ پلیٹ فارم سے وفاقی حکومت تک مضبوط پیغام پہنچانا ہے اُنہوں نے مزید کہا کہ وفا تنظیم اور سیپکو پینشنرز کبھِی اپنے حقوق پر سمجھوتہ نہیں کریں گے اور حقِ پینشن سبکدوش ملازمین کی بہبود، بچوں کے روزگار اور سروس فوائد کی بحالی تک جدوجہد جاری رکھی جائے گی اجلاس کے اختتام پر شرکاء نے متحد ہو کر عزم ظاہر کیا کہ وہ آئینی اور قانونی جدوجہد کے ذریعے اپنے حقوق کے حصول کے لیے ہر فورم پر آواز بلند کرتے رہیں گےاجلاس پُرامن ماحول میں اختتام پذیر ہوا اور آخر میں شرکاء نے 13 دسمبر کے سیمینار کو کامیاب بنانے کے لیے متفقہ طور پر بھرپور شرکت کی یقین دہانی کرائی۔
