اسلام آباد: اسپیکر قومی اسمبلی، سردار ایاز صادق، نے آج ٹی وی گروپ کے چیف ایگزیکٹو آفیسر، شہاب زبیری کی والدہ کے انتقال پر تعزیت کا اظہار کیا ہے۔
اپنے تعزیتی پیغام میں، اسپیکر نے شہاب زبیری کی والدہ کے انتقال پر گہرے رنج و غم کا اظہار کیا۔ انہوں نے کہا کہ اس دکھ اور افسوس کی گھڑی میں وہ سوگوار خاندان کے غم میں برابر کے شریک ہیں۔
اسپیکر نے دعا کی کہ اللہ تعالیٰ مرحومہ کے درجات کو بلند فرمائے اور اہل خانہ کو اس ناقابل تلافی نقصان کو برداشت کرنے کی توفیق اور صبر عطا فرمائے۔
